اسلام آباد۔ 26جنوری (اے پی پی) پاکستان پیپلزپارٹی نا راہشون سینیٹر سردار فتح محمدمحمد حسنی پارینے کہ بلوچستان نا بلدیاتی نمائندہ غاتے کن پی ایس ڈی پی ٹی شونداری فنڈ جتا کننگے۔ پنچ شنبے آ پارلیمنٹ ہاﺅس نا پیشن سینیٹر جہانزیب جمالدینی و بلوچستان نا بلدیاتی نمائندہ غاتون اوار پریس کانفرنس کرسا اوپارے کہ ہژدہ می ترمیم اٹی بنجاءآن واک آک صوبہ غاتے منتقل مسر، بلوچستان اٹی غٹ آن مست 2013ءٹی بلدیاتی گچین کاری کرفنگا ہراٹی ہندی حکومت آک جوڑ مسر ولے اینو اسکان صوبہ بلوچستان نا بلدیاتی نمائندہ غاتے شونداری فنڈ رسینگ تنے۔ داوخت آ بلوچستان نیشنل پارٹی نا سینیٹر جہانزیب جمالدینی پارے کہ اہل بلوچستان نا بلدیاتی نمائندہ غاتے واک تننگے و اوفتے شونداری فنڈ ہم تننگے۔
