اسلام آباد۔ 22مئی (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار پارینے کہ حکومت ملک اٹی ٹرانسپورٹ و کمیونیکیشن نا بشخ ءِ پوسکن آ وڑوڈول آتیا اتنگ کن گام گیج کننگ ءِ ہراڑان ملک انا ہر شاری ءِ پوسکن آ سفری آسراتی دوبننگ کیک۔ داخیال آتا درشانی ءِ او تدوک آ دے سنٹرل ڈویلپمنٹ ورکنگ پارٹی نا دیوان اٹی کرے۔ دیوان اٹی کراچی نا شاری تا سفری آسراتی کن 61436.00ملین روپئی نا خڑچ انا یلو لین ڈٹ اس پیش کننگا ہرادے دیوان گڈیکو منظوری کن ایکنک آ مون تس۔ دیوان اٹی ٹرانسپورٹ نا بابت ارٹ میکو ڈٹ ایسٹ بے ایکسپریس گوادر پورٹ انا جوڑ کننگ کن 17369.84 ملین روپئی نا خڑچ انا پیش کننگا ہرادے مستی منظوری کن ایکنک آ مون تننگا۔ ڈٹ آ ہیت کرسا بنجائی وزیر پارے کہ قومی اہمیت نا داڈٹ انا وخت آ پوروی ءِ المی کننگ کن ہروڑنا گام گیج کننگک۔
