اسلام آباد۔ 21 مئی (اے پی پی) مزن وزیر عمران خان ءَ امیت سہرا کت کہ گوزوکیں رمضان المبارک ءِ ساھت ءَ الس کینسر ءِ آماچیں گریب آنی جان سلامتی ءِ واستہ شوکت خانم میموریل ٹرسٹ ہسپتال ءَ را گوں پچیں دل ءَ مالی کمک کن اَنت۔ سئے شمبے ءَ وتی ٹویٹ ءَ مزن وزیر ءَ گوشت کہ نوں شوکت خانم ہسپتال ءِ واستہ چیلنج نوں گیش بوتگ چیا کہ لاہور ءَ چہ پد نوں پشاور ءَ ھم گریبیں نادُراھ آنی شوکت خانم میوریم ٹرسٹ ہسپتال ءَ علاج کنگ بوھگ ءَ انت۔ آئی ءَ گوشت کہ کراچی ءَ پاکستان ءِ سیمی ءُُ درستاں چہ مستریں شوکت خانم میموریل ٹرسٹ ہسپتال ءِ جوڑیشت ھم جاڑی انت بلے امیت انت کہ اے رمضان المبارک ءَ مردم گوں پچیں دل ءَ ہسپتال ءِ مالی کمک ءَ کن اَنت۔
