اسلام آباد۔ 21 مئی (اے پی پی) پولینڈ ءِ سلاھ بندیں اُرد ءِ سروک لیفٹیننٹ جنرل جاروسلاوف میکا ءَ سئے شمبے ءِ روچ ءَ ایئر ہیڈ کوارٹر اسلام آباد ءِ تر ءُُ تاب کت۔ آئی ءِ آیگ ءِ پد ءَ پاک فضائیہ ءِ ورنا آں آرا گارڈ آف آنر پیش کت۔ ترجمان پاک فضائیہ ءِ رد ءَ شرپ مندیں مہمان آں پاک فضائیہ ءِ شہید آناں توسیپ ءُُ ستا پیش کنگ ءِ واستہ پُل آنی چادر پر دات۔ ایشی ءَ پد پولینڈ ءِ سلاھ بندیں ارد ءِ سروک ءَ پاک فضائیہ ءِ سروک ائیر چیف مارشل مجاہد انور خان ءَ گوں گند ءُُ نند کت۔ گند ءُُ نند ءِ ساھت ءَ دمگی سلامتی ءُُ وت مہ وتی کمک ءِ ھوالگ ءَ جتا جتائیں کار باست ءُُ واست کنگ بوت اَنت۔ پولینڈ ءِ سلاھ بندیں ارد ءِ سروک ءَ پاک فضائیہ ءِ کزبی ازمکاری آنی توسیپ کت۔ پاک فضائیہ ءِ سروک ءَ دوئیں ملک آنی فضائی ارد آنی نیام جوانیں یکوئی ءِ توسیپ کت ءُُ پاک فضائیہ ءِ بنگیجی زمانگ ءَ جوڑیشتی ءُُ دیمروئی ءُُ نوکی ءَ پولش اپسرگ آنی کلیتی کرد ءَ را ھم ساڑات۔ دوئیں بامرد آں دوئیں ملک آں ی نیام ءَ استیں وت مہ وتی یکوئی ءُُ دیمپانی یکوئی آناں گیش دیمروئی دیگ ءِ سر ءَ زور پر دات۔
