اسلام آباد۔ 21 مئی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ روایتی جماعت آتا سرکڑدہ غاک بیرہ تینا و تینا چناتا آخبت کن فکر کننگ ءُ وخت اس کہ عمران خان ءِ قوم انا چناتا آخبت ءِ جوڑ کننگ نا فکر ءِ۔ سے شنبے نادے آ اسہ ٹویٹ اسے ٹی اوپارے کہ وزیراعظم عمران خان جیرت نا فیصلہ کرینے ہرانا بھرمک زوت قوم ءِ ملرہ و پاکستان معاشی و راجی لحاظ اٹ واکدار ملک اس مرسا مون آ بریک، حیرت ہموفتیا ءِ ہرا ہیت ءِ تو جمہوریت نا کیرہ ولے عمل اٹ میراتی غلامی نا سبخ ءِ تننگ ءُ۔ جماعت آتے کمپنی سرپند کرسا چلیفوک آتا است خواہی ءِ کہ اول اوفک ملک ءِ لٹار، داسہ تینا بروک آ چین ءِ قوم آ مسلط کیر۔
