پاکستان و متحدہ عرب امارات نا نیام اٹ اقتصادی کمکاری ءِ مون آ دننگ نا بے پناہ کچ ارے، محمد صادق سنجرانی
اسلام آباد۔ 21مئی (اے پی پی) چیئرمین سینیٹ محمد صادق سنجرانی پارینے کہ پاکستان و متحدہ عرب امارات نا نیام اٹ اقتصادی کمکاری ءِ مون آ دننگ نا بے پناہ کچ ساڑی ءِ، ہڑتوم آ ملک آک ڈیہہ نا شونداری کن ساڑی وسیلہ غاتے گچین کاریم اٹ اتسا گچینی اتنگ کینہ۔ داخیال آتا درشانی ءِ او متحدہ عرب امارات نا سفیر حماد عبید ابراہیم صالم الاصابی تون پارلیمنٹ ہاؤس اٹی اوڑدہی ٹی گپ و تران کرسا کرے۔ اوڑدہی ٹی تین پہ تینی است خواہی و جہانی سیاسی معاملہ غاتیا سرجم گپ و تران مس۔ متحدہ عرب امارات نا سفیر عرب امارات نا فیڈرل نیشنل کونسل نا اسپیکر نا کنڈآن چیئرمین سینیٹ ءِ عرب امارات نا دورہ ءِ کننگ نا سلہ خلک۔ چیئرمین سینیٹ پارے کہ ہڑتوم آ ملک آتا نیام اٹ تاریخی و دودوربیدگی اقدار مشترک ءِ۔ اوپارے کہ پاکستانی تا بھاز بھلو کچ اس متحدہ عرب امارات نا شونداری و شونہالی ٹی تینا کڑد ءِ ادا کننگ ءُ۔ متحدہ عرب امارات ءِ پاکستان اٹی امن و ایمنی نا گچین حالیت آتیان فائدہ ہرفسا زرکاری ءِ بایدے مون آ دننگے۔ چیئرمین سینیٹ پارے کہ گوادر ڈیہہ نا شونداری و زرکاری نا گچین ءُ ہند اس جوڑ مسنے۔ متحدہ عرب امارات نا سفیر چیئرمین سینیٹ نا خیال آتیان امنا کرسا پارے کہ پاکستان اٹی زرکاری نا وارخواہی ارے ہرافتیان پبی فائدہ ہرفنگ مریک۔ اوڑدہی ٹی ہڑتوم آ ملک آتا نیام اٹ پارلیمانی ڈل آتا ہن و بر اٹ ودکی آ زور شاغنگا۔

متعلقہ مضامینمصنف کی طرف سے مزید