ڈیہہ نا بدلینگوک آ حالیت آتیا گڑتی ءِ، کرغزستان اٹی چین و روس انا وزیر خارجہ غاتون ملنگ خواوہ، 8 ملک آتا وزیر خارجہ غاتون اوار اوار مون پہ مون اوڑدہی مریک
وزیر خارجہ شاہ محمود قریشی
اسلام آباد۔ 21مئی (اے پی پی) وزیر خارجہ شاہ محمود قریشی پارینے کہ دورہ کرغزستان اٹی شنگھائی کمکار تنظیم نا دیوان اٹی بشخ ہلنگ تون اوار اوار ہشت ملک آتا وزیر وزیر خارجہ غاتون اوار اوار مون پہ مون اوڑدہی مریک، چین و روس انا وزیر خارجہ غاتون خاص کر ملنگ خواوہ، ڈیہہ نا بدلینگوک آ حالیت آتیا گڑتی ءِ۔ اوداہیت ءِ سے شنبے نادے آ داڑے شنگھائی کمکار تنظیم نا دیوان اٹی بشخ ہلنگ کن بشکیک روانہ مننگ آن مست میڈیا تون گپ و تران کرسا پارے۔ اوپارے کہ کرغزستان نا شار بشکیک اٹی شنگھائی کمکار تنظیم نا وزیر خارجہ کونسل نا دیوان مننگ والا ءِ و او دا دیوان اٹی پاکستان نا نمائندگی ءِ کیک۔ وزیر خارجہ پارے کہ شنگھائی کمکار تنظیم نا دیوان اٹی بشخ ہلنگ تون اوار اوار او ہشت ملک آتا وزیر خارجہ غاتون اوار اوار مون پہ مون اوڑدہی ہم کیک، داکان بیدس ہموڑے مسہ اہم ہڑتوم آ کنڈآتا اہم اوڑدہی پک ءِ۔ وزیر خارجہ پارے کہ چین و روس انا وزیر خارجہ غاتون او خاص کر ملنگ خواہک انتئے کہ ڈیہہ نا بدلینگوک آ حالیت آتیا اودے گڑتی ءِ، ہڑتوم آ پی فائیو نا آخبت پنچ باسک آتے ٹی اوارءِ، ای خواوہ کہ اوفتے تون سلابت کیوہ۔ وزیر خارجہ پارے کہ پدی بننگ آ اسہ خاص ءُ دیوان اس ہم بٹنگانے ہراٹی نن دا بدلینگوک آ حالیت آتیا جاچ ءِ الینہ تانکہ ہراتم ایران نا وزیر خارجہ برے تو نن پاکستان نا نقطہ نظر ءِ پیدوار وڑاٹ اونا مون آ تخنگ کین۔
