پاک فوج انا سروک جنرل قمر جاوید باجوہ تون پاکستان اٹی متعین چین نا سفیر نا اوڑدہی، تین پہ تینی است خواہی نا معاملہ بشمول علاقائی سلامتی نا حالیت آتیا گپ و تران

اسلام آباد۔ 20 مئی (اے پی پی) پاک فوج انا سروک جنرل قمر جاوید باجوہ تون پاکستان اٹی متعین چین نا سفیر یاؤجنگ اوڑدہی کرے ہراٹی تین پہ تینی است خواہی نا معاملہ بشمول علاقائی سلامتی نا حالیت آتیا گپ و تران کننگا۔ پاک فوج انا شعبہ تعلقات عامہ نا رداٹ چین نا سفیر یاؤجنگ جی ایچ کیو راولپنڈی نا دورہ ءِ کرے ہراڑے او پاک فوج انا سروک جنرل قمر جاوید باجوہ تون اوڑدہی کرے۔