اسلام آباد۔ 19 مئی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پاکستان پیپلزپارٹی نا کنڈآن تروک آ افطارپارٹی و اوٹی اپوزیشن نا بشخ ہلنگ آ تران کرسا یک شنبے نادے آ تینا ٹویٹ اٹی پارے کہ ہرا اولاد کن مال و دولت یکجا کننگا او او بینیفیشریز لوٹ انا مال ءِ رکھ تننگ کن لائحہ عمل آ سجفرہ۔ اوپارے کہ اینو یکجا مروک آتے نئے پاکستان نا الس نا ڈکھ اس ارے و نئے دڑد، اینو افطار آ بیرہ تینا پیشن نا ملک دولت آتے ٹھکانہ خلنگ و اومنی پڑک نا باب ءِ رکھ تننگ نا ترکیب آ سجفرہ۔ اوپارے کہ سیاسی بہروپیہ غاک کودک الس ءِ کیہی سال آتیان ورگڑفسا تینا کاروباری فائدہ غاتے کن کاریم اٹ اتنگ نا ایجنڈآ کاربند ءُ۔ ملکی و السی فائدہ کن متا ماری کروک آ عمران خان نا کماشی ٹی 22 کروڑ الس دا سیاسی دروغہ آتا تروک آ ٹھپ آتیان آجو مسنے و اوفتا درواٹی داسہ بفسہ۔
