اسلام آباد۔ 19 مئی (اے پی پی) وزیر مملکت موسمیاتی بدلی زرتاج گل پارینے کہ ملکی دولت ءِ ہڑتوم آ دوتے اٹ پلوک آک اینو شرمندہ مننگ نا جاگہ غا حکومت آ تنقید کننگ ءُ، وزیراعظم عمران خان ملک ءِ گچینی نا کنڈادننگ ءِ، اپوزیشن بلین ٹری سونامی آ سیاست کپ دا ملک و پوسکن آ چین ءِ رکھ کننگ نا ڈٹ ءِ۔ ”اے پی پی“ تون گپ و تران کرسا پارے کہ ہراسیاسی پارٹیک ملک ءِ دیوالیہ اس مننگ نا خڑک آ اِلار و ہڑتوم آ دوتے اٹ پلسا پیشن نا ملک آ مون تسر اینو او تینا شرمندگی نا جاگہ غا حکومت آ تنقید کننگ ءُ۔ اوپارے کہ 70 سال آن ملک اٹ لٹ و پل کروک آ ک منہ تُو انا حکومت آن حساب ءِ خواہنگ ءُ ای اوفتے پاننگ خواوہ وزیراعظم عمران خان ملک ءِ گچینی نا کنڈا دننگ ءِ و قوم ءِ مایوس کپک۔ زرتاج گل پارے کہ کلین اینڈ گرین پاکستان مہم ءِ عبادت اس سمجھسا اوڑا کاریم کننگ ءُ دا ننا ملک و قوم انا آخبت ءِ رکھ کننگ نا سوج ءِ۔ اوپارے کہ پین وخت اس مارگلہ نا جنگل آتے ٹی خاخر لگپک دا بابت ٹاسک فورس نا جوڑ کننگ آ کاریم برجاءِ مستین اٹی مافیہ تینا گندہ انگا مسخت آتے کن جنگل آتے خاخر تسرہ۔ اوپارے کہ ای اپوزیشن آن خواست کیوہ او بلین سونامی ٹری ڈٹ آ سیاست آن پاناد کے انتئے کہ داڑان پاکستان تحریک انصاف و وزیراعظم عمران خان ءِ فائدہ مفننگ ءِ بلکن پوسکن آ چین انا آخبت ءِ رکھ کننگ نا ویل ءِ۔ اوپارے کہ نن 10 بلین سونامی ڈٹ آ دے و نن کاریم کننگ اُن و دانا پی سی ون پورو انگا مرحلہ غاتے ٹی ءِ۔
