اسلام آباد۔ 18 مئی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ روچہ نا مقدس انگا تُو حقوق اللہ و حقوق العباد نا گچین ءُ امتزاج اس مریک ولے بدبختی اٹ دا برکت انگا تُو اٹی الس ءِ ویل آتا روچہ ءِ تخفوک آک باملنگ نا آڑ اٹ جندی، سیاسی و کارو باری فائدہ غاتا رکھ اٹ متاماری کننگ ءُ۔ ہفتہ نادے آ راجی رابطہ غاتا ویب سائٹ ٹوئٹر آ جاری کلہو اٹی اوپارے کہ اپوزیشن تینا نیت نا کُننگ ءِ۔ دا بیرہ تینا دولت و اولاد نا آخبت نا بارواٹ فکر مند مریرہ۔ اوپارے کہ روچہ نا مبارک انگا تُو اٹی باملنگ نا پن آ گچین مروک آ جمہوری حکومت نا برخلاف سازش کننگ است ہسونی اسے۔
