اسلام آباد۔ 18 مئی (اے پی پی) چیئرمین سینیٹ محمد صادق سنجرانی بلوچستان نا مسکوہی وزیراعلیٰ و بلوچستان اسمبلی نا ساڑی اسپیکر میر عبدالقدوس بزنجو نا باوہ میر عبدالمجید بزنجو نا کزیت آ ڈکھ و است ہسونی نا درشانی ءِ کرینے۔ چیئرمین سینیٹ صادق سنجرانی ہفتہ نادے آ اسپیکر بلوچستان اسمبلی ءِ ٹیل فون کرے۔ چیئرمین سینیٹ پارے کہ اللہ تعالیٰ ڈکھ انا داساہت اٹ غمزدہ خاہوت ءِ صبر کننگ نا توفیق عطاء فرمائفے۔ میر عبدالمجید بزنجو مسکوہی ڈپٹی اسپیکر بلوچستان اسمبلی نا عہدہ غا فائز ئس۔ او مسکوہی وزیر تعلیم، و مسکوہی وزیر لائیو اسٹاک نا عہدہ غا فائز مسنے۔ چیئرمین سینیٹ پارے کہ میر عبدالمجید بزنجو نا سیاسی و راجی خذمت آتے وخت اس ہم است آن دننگ مفک۔
