اسلام آباد۔ 18 مئی (اے پی پی) وزیر خارجہ شاہ محمود قریشی اِرادے ئی دورہ کن کویت آ رادہ مسنے۔ کویت آ رادہ مننگ آن مست اسلام آباد بالی پٹ آ میڈیا تون گپ و تران کرسا وزیر خارجہ پارے کہ پاکستان و کویت نا نیام اٹ ہڑتوم آ کنڈآتا تعلقداری تیٹی گچینی کن دا دورہ کمکار مریک۔ اوپارے کہ او امیر کویت کن وزیراعظم عمران خان نا خصوصی چھٹی اس ہلسا ہِننگ ءِ۔ وزیر خارجہ پارے کہ اونا کویت نا امیر شیخ صباح الاحمد الصباح تو ن اوڑدہی مریک و او عمران خان نا کنڈآن اودے خصوصی ءُ چھٹی اس پیش کیک۔ اوپارے کہ کویت اٹی اونا تینا ہم منصب تون اوڑدہی ہم مریک و ولدا ڈل آتا کہول آ مذاکرات مریک۔ دامذاکرات اٹی ویزہ نا ویل آتون اوار ایلو ہڑتوم آ کنڈآتا معاملہ غاتیا گپ و تران مریک۔ داکان مست وزیر خارجہ شاہ محمود قریشی اسلام آباد بالی پٹ آ وی آئی پی نا جاگہ غا لس مسافر تا کسر آن امیگریشن کاؤنٹر آ سرمس۔ بالی پٹ آ ساڑی مسافر آک وزیر خارجہ ءِ تینا نیام اٹ خنار بھاز خوش مسر و اوفتے سیلفی ہلکر۔
