وزیر پٹرولیم نا گیس کمپنی تے گیس انا زیان ءِ توننگ کن گام گیج کننگ نا پارت
اسلام آباد۔ 18 مئی (اے پی پی) وزیر پٹرولیم عمر ایوب خان گیس کمپنی تے گیس انازیان ءِ توننگ کن پارت کرسا پارینے کہ گیس دُزی ءِ ہچ ءُ حالیت اسے ٹی سگپنہ۔ ہفتہ نادے آ داڑے جاری بیان اسے نا رداٹ اوسوئی نادرن و سوئی سدرن گیس کمپنی تا تعلقدار کمامدارآتے پارے کہ گیس انا زیان و دُزی ءِ توننگ کن آپریشن ءِ پین جوان کننگے۔ ایلو کنڈ وزیراعظم نا خصوصی کمکار پٹرولیم ندیم بابر پارے کہ گیس ءِ زیان مننگ آن بچفنگ و گیس دُزی نا برخلاف ملک گیر کارروائی تیٹی بروک آ دے تیٹی پین سختی بریک۔ اوپارے کہ حکومت دا بابت گام گیج کننگ ءِ و قومی خزانہ ءِ نسخان تروک آ عنصر آتا برخلاف بے پرخ کارروائی کننگک۔ داکان بیدس سوئی سدرن گیس کمپنی کراچی، لاڑکانہ و سکھر اٹی کیہی کارروائی تیٹی 47 غیر کانودی اُرائی ومسہ کمرشل کنکشن آتے کاٹ کرینے۔
