اپوزیشن جماعت آتا غٹ دُز آک یکجا مرسا تحریک اس چلیفنگ نا شونق ءِ پورو کیر،اوفتا دوٹی ہچ اس بفک، بنجائی وزیر ریلوے شیخ رشید احمد نا پریس کانفرنس

لاہور۔ 18 مئی (اے پی پی) بنجائی وزیر ریلوے شیخ رشید احمد پارینے کہ اپوزیشن جماعت آتا غٹ دُزآک یکجا مننگ ءُ، تحریک ءِ چلیفنگ نا شونق ءِ ہم پورو کیر اوفتا دوٹی ہچ اس بفک، وخت اس کہ وزیراعظم عمران خان دا دُزآتے ہچ ءُ وڑاسے ٹی این آر او تفک او تدوک آدے ریلوے ہیڈ کوارٹر لاہور اٹی پریس کانفرنس کریکہ۔ شیخ رشید پارے کہ شہباز، نواز و زرداری نا بے تحاشہ لٹ وپل نا سوب اینو ڈالر و کبینی آسمان تون گپ کننگ ءِ، اومستی پارے کہ ای مہالو ہی پاریسٹ کہ شہباز شریف این آر او ہلنگ ءِ وخت اس کہ داسہ آصف علی زرداری ہم ہنداوڑاٹ این آر او ہلنگ کن پیش تمانے۔ گڑاس دُز ہنداخہ سمارٹ ءُ کہ کمال وڑاٹ این آر او ہلنگ ءِ،عمران خان دافتیان این آر او کے تو بروک آ اسہ گھنٹہ ٹی مچ آ اپوزیشن چٹک اوپارے کہ عمران خان تون اِراہی کسر ئسر کہ یاتو ملک ءِ ڈیفالٹ مننگ کن ہلوسس و دُزآتے ہلوسس ولے او دیدہ دلیری اٹ مشکل حالیت آتون مون تس و کبینی ءِ امنا ہم کرے داغٹ مون نا حکومت آتا کروک آک ءُ، ریلوے نا بحالی ملک انا شونہالی ءِ ریلوے نا پروجیکٹ سی پیک اٹ ہِننگ ءِ ہنداخاطران دانا برخلاف جہانی سازش مننگ ءِ۔ اوپارے کہ اینخو نا سال ریلوے ءِ جم وڑاٹ پنچ ارب نا کٹیا مس۔