اسلام آباد۔17مئی(اے پی پی) بنجاہی حکومت ءَ پلاسٹک ءِ تیلا ءِ کارمرزی ءِ سرءَ 14اگست 2019ءَ بندش جنگ بیت۔ اے گپ جمعہ ءِ روچءَ مزن وزیر عمران خان ءِ سروکی ءَ ماحولیاتی مٹء ُ بدلی ءَ گوں ہمگرنچیں مزن تک ءِ دیوانءَ شونشت داتگء ُگشتگ۔ دیوان ءَ نیشنل فوڈ سیکورٹی ءِ وزیر صاحبزادہ محبوب سلطان، منصوبہ بندی ءِ وزیر مخدوم خسرو بختیار، توانائی ءِ وزیر عمر ایوب، بیپاریءِ صلہ کار عبدالرزاق داؤد، مشیر ماحولیات ملک امین اسلم، حاسیں کمک کار ڈاکٹرفردوس عاشق اعوان، جارچین ندیم افضل چن، حاسیں کمک کار یوسف بیگ مرزا، خیبر پختونخوا ءِ سروزیر محمود خان، بلوچستانءِ سروزیر جام کمال، آزاد ء ُ جموں کشمیر ءِ مزن وزیر راجہ محمد فاروق حیدر، گلگت بلتستان ءِ سروزیر حافظ حفیظ الرحمان ء ُ سینئر افسر ہوار بوتگ اَنت۔ مزن وزیرءَ را حال دیئگ بوتگ کہ اسلام آباد ءَ پلاسٹک تیلا ءِ کارمرزی ءَ بندش جنگءِ ھاترءَ کانود جوڑ کنگ بوتگ اَنت ء ُ 14اگست 2019ءَ چہ پلاسٹک تیلا ءِ کارمرزی ءِ سرءَ بندش جنگ بیت۔ مزن وزیر عمران خان ءَ را الیکٹرک وہیکل پالیسیءِ سرءَ شونشت دیئگ بوتگ۔ پنجاپ ءَ سموگ ءَ را گرء ُدار کنگءِ ہوالگءَ کتگیں گامگیجانی سرءَ ہم شونشت دیئگ بوتگ۔ حکومتءِ نیمگء َ چہ دہ ارب درچک کشگءِ منصوبہ ءِ سرءَ تاں انوں بوتگیں کارانی ہوالگءَ شونشت دیئگ بوتگ۔
