اسلام آباد۔16مئی (اے پی پی) مذہبی کارانی بنجاہی وزیر ڈاکٹر نورالحق قادری ءَ گشتگ کہ گوستءَ ملک ءِ مالیاتی رھبند ء ُ معیشت ءَ گوں دژمنانی وڑءَ سلو ک بوتگ، بلے مزن وزیر عمران خان لھس مھلوک ءِ زندمانءَ مٹ کنگءِ واہشت منداِنت، میاں اوستمانی تک ءَ پاکستانءِ ہلاپ ءَ یک چاگردے جوڑ کنگ بوتگ، دژمن پاکستانءَ را وشء ُ وشھال گندگ نہ لوٹاں، میڈیا ورکرز آنی درائیں جیڑہ ء ُ جنجالانی گیشء ُ گیواری ءِ ہوالگءَ وتی سرجمیں کوشستاں کنت۔ آ پنچ شمبے ءِ روچءَ سینیٹر طلحہ محمود فاؤنڈیشن ءِ نیمگءَ چہ میڈیا ورکرآں رمضان المبارک ءِ ماہءَ راشن بھر کنگءِ ہوالگءَ ہڈ داتگیں مراگشء َ گوں تران کنانءَ کتگ۔ آئی ءَ گشتگ کہ طلحہ محمود پہ نیکیں کاراں مدام دیما اِنت، مال دار باز اِنت بلے کسے کسے ءَ را بھرء ُ بانگ کنگءِ شرپ حاصل بیت، دست پچی اللہ تعالیٰ ءِ یک مزنیں نعمت اِت۔ آئی ءَ گشتگ کہ اللہ ءِ فرمان اِنت ک ہمک مشکلءَ پد ارزانی رسیت۔ آئیءَ گشتگ کہ من عمران خانءَ پجار کاراں آئیءِ نیت ء ُ ادارگانی سرءَ ایچ وڑیں شک کنگ نہ بیت۔ مزن وزیر عمران خان مدام اے گپءَ گشیت کہ امیچو روچءَ اے عہدگءِ سرءَ اَں لھس مھلوک ءِ زمدمان ءَ مٹ کناں۔ آئیءَ گشتگ کہ ما وتی ربءِ رحمتاں چہ دلپروش نیاں۔ انشاء اللہ اللہ تعالیٰ پاکستانءَ را زوت چہ اے چکاساں درکنت۔
