اسلام آباد۔16مئی (اے پی پی) متحدہ عرب امارات ءَ 572پاکستانی بندی یل کنگءِ جار جتگ وہدے کہ سعودی عرب ءَ چہ ہم پاکستانی بندیاناں یل کنگءِ وشیں حال سر بیت۔ امریکہءَ چہ ڈی پورٹ بوتگیں 50پاکستانی ملکءَ واتر سربوتگ اَنت۔ امریکہ ء ُ ایران سگء ُ اوپار بہ کن اَنت ء ُ سولء ُ ترانءِ وسیلگءَ وتی جیڑہ ء ُ جنجالاں گیش ء ُ گیوار بہ کناں۔ دری کارانی کارگسءِ جارچین ڈاکٹر محمد فیصل ءَ پنچ شمبے ءِ روچءَ ہفتگی پریس شونشت ءَ گشتگ کہ متحدہ عرب امارات ءَ 3ہزارءَ چہ گیش کیزیاناں عام معافی دیئگءِ جار ج جتگ۔ ایشاں چہ 572پاکستانی بندی ہم ہوار اَنت، کہ دبئی، العین، فجیرہ ء ُ شارجہ ءِ بازیں بندی جاہ آں بند اَنت۔ یک جستے ءِ پسوءَ جارچینءَ گشتگ کہ دری کارانی وزیر شاہ محمود قریشی ایس سی او سمٹ ءَ چہ پیسر 21ء ُ 22مئی ءَ دری کارانی وزیر آنی کونسل ءِ دیوانءَ ہوار بوہگءَ بشکیکءَ رؤت۔ شنگھائی کمک تنظیم ءِ سروکی دیوان 13جون ءَ را بشکیک ءَ بوہگءَ اِنت کہ مزن وزیر عمران خان ہوار بیت۔ یک جستے ءِ پسوءَ جارچینءَ گشتگ کہ پاکستان وتءَ را رکھینت کُت کنت۔ مزن وزیر ءَ 14ستمبر ءَ بھارتی مزن وزیر ءَ را یک نمدیے نبشتہ کتگ کہ ما ناشرکاری ء ِجیڑہ ءِ سرءَ گپء ُ تران کنگءَ تیار اَنت۔ جارچین ءَ گشتگ کہ بھارتی اُردانی زُلمء ُ ناحقی گیش بوہان اِنت، آیاں پلوامہ ء ُ شوپیاں ءَ 8بے گناہ کشمیری ورناہ شہید کتگ اَنت۔ آئیءَ گشتگ کہ کشمیر وتی حونءَ چہ نوکیں راج دپترے نبشتہ کنگءَ اِنت۔ بھارت میاں اوستمانی براتی ءَ را رد مہ دنت، زمینی راستی ءَ بہ من ایت۔
