ملتان۔15 مئی (اے پی پی)وزیردرئی کارر شاہ محمود قریشی ءَ گوشت کہ مسلم لیگ (ن) ءَ را راجی اسمبلی ءَ پیش کتگیں زرباری پنجاپ صوبگ ءِ مٹ ءُُ بدلی بل ءِ کمک کنگ لوٹ ایت۔ آئی ءَ گوشت کہ مسلم لیغ (ن) نوں وتہ پیسلہ ءِ سر ءَ چار ءُُ بچار کنان ءَ جنوبی پنجاپ ءَ را صوبگ جوڑ بہ کنت۔ آئی ءَ گوشت کہ مسلم لیگ (ن) ءَ ھم بازیں مردم جنوبی پنجاپ صوبگ ءِ ھک ءَ انت بلے ن لیگ ءِ کمو مردم اے بل ءِ کیز ءَ پس اتگ اَنت ھما آں کہ پیش کتگ بوتگ۔ سرکٹ ہاؤس ملتان ءَ چار شمبے ءِ روچ ءَ پریس کانفرنس ءَ گوں گشتانک دیان ءَ کت شاہ محمو د قریشی ءَ گوشت کہ بہاولپور صوبگ گڈی گپ نہ انت، زرباری پنجاپ صوبگ ءِ کوشست گوستگیں بازیں سال آں چہ جاڑی انت، اے چتور بوت کنت ایوک ءَ سئے ضلع آنی صوبگ ءِ جوڑ کنگ بہ بیت، ایشی ءِ جتائیں اسمبلی ءِ بہ بیت ءُُ سینیٹ ءَ ھم ایشی ءِ سیٹ ءِ بہ بیت، اے رنگ ءَ گپ دیم ءَ جنزگ ءَ گندگ نہ بوھگ ءَ انت۔ آئی ءَ گوشت کہ صوبگ ءِ جوڑ کنگ ءِ واستہ دو سرئی گیشی المی انت۔ ما ایشی ءِ سر ءَ تپاکی ءَ گوں کوشست آں جاڑی دار آں۔ آئی ءَ گوشت کہ طارق بشیر چیمہ مئے دوست انت، ق لیگ ءِ سروکی ءَ گوں شور ءُُ مشورہ کنگ بیت۔ آئی ءَ گوشت کہ یکم جولائی ءَ تاں زرباری پنجاپ سیکرٹریٹ ھم جوڑ بیت۔
