اسلام آباد۔ 15مئی (اے پی پی) فیڈرل بورڈ آف ریونیو ءَ پاکستان سٹیزن پورٹل ءِ وسیلگ ءَ 28 اکتوبر چہ بگر داں تنیگہ ایف بی آر ءِ لہتیں محکمہ آنی باروا 6864 شکایات چہ 6ہزار شکاست حل کتگ انت۔ ایف بی آر ءِ وسیلگ ءِ ردا ”اے پی پی“ ءَ را سرپد کتگ کہ بچتگیں 864 شکاست چہ 650 نوکیں وھدیکہ 214 شکاست ءِ سرا کارروائی جاڑی انت۔آہاں گوشت کہ مچ نبشتہ کتگیں شکاست ءِ تہ 741پالیسی ساچی ءِ باروا ات،1300شکاست کسٹمز ءِ باروا ات،شہریانی گیشتر شکاست موبائل فونز ءِ سرا ڈیوٹی جنئگ ءِ ھوالہ ءَ اتنت۔آہاں گوشت کہ اے وھد ءَ ڈن ملک چہ ہمکتر پاکستانی وتن ءَ آھگ انت آہانی کِر ءَ یک چہ گیش موبائل بوھگ انت،حکومت ءَ یک موبائل ابید ٹیکس ءِ موکل داتگ انت وھدیکہ ودک ءِ موبائل ءِ سرا ٹیکسءُُ ڈیوٹی جنئگ بوھگ انت۔اے مکسد ءِ ھاترا ایئر پورٹ ءِ سرا آسراتی ڈیسک ہڈ دیگ بوتگ ات اودا موبائل فونز ءِ رجسٹریشن کنگ بوھگ انت۔ ایف بی آر ءِ وسیلگ ءَ سرپد کت کہ شہریانی شکاستءَ را ترجیحی بنیاتانی سرا حل کنگ ءِ سرا دلگوشی دیئگ بوھگ انت،ایف بی آر شہریاں را آسراتی پھجارگ انت۔پدر بہ بیت کہ پاکستان سٹیزن پورٹل ءِ ہڈ دیگ گوستگیں سال28اکتوبر ءِ تہ آرگ بوتگ ات۔اے آن لائن سسٹم ءِ وسیلگ ءَ شہری وتی شکاست ءَ نبشتہ کت کنائین انت ایشیءِ سرا زوتیں وڈ ءَ کارروائی کنگ بیت۔
