اسلام آباد۔ 14 مئی (اے پی پی) مزن وزیر ءِ مشیر برائے ھزانگ، اقتصادی کار ڈاکٹر عبدالحفیظ شیخ ءَ گوشت کہ پاکستان متحدہ عرب امارات ءِ گوما وتی یکوئی آناں شرپ ءِ نگاہ آں چار ایت ءُُ ایشاناں باز ارزشت دنت، یو اے ای ءَ مدام گرانیں وھد ءُُ پاس آنی تہ ءَ پاکستان ءِ کمک کتگ۔ ڈساکٹر عبدالحفیظ شیخ ءَ اے ھیالانی درشانی سئے شمبے ءِ روچ ءَ ادا پاکستان ءَ متحدہ عرب امارات ءِ سفیر حماد عبید ابراہیم سلیم الزابی ءَ گوں گند ءُُ نند ءِ ساھت ءَ کت۔ گند ءُُ نند ءَ پاکستان ءُُ متحدہ عرب امارات ءِ نیام ءَ اقتصادی ءُُ تجارتی یکوئی ءَ گیش پراھ ءُُ شاھیگانی دیگ ءِ سر ءَ تپاک کنگ بوت۔ مزن وزیر ءِ مشیر برائے ھزانگ ءَ گوشت کہ پاکستان متحدہ عرب امارات ءِ گوما وتی یکوئی آناں گران بھائیں چماں گوں چار ایت ءُُ ایشاناں سک باز ارزشت دنت۔ یو اے ای ءَ مدام پاکستان ءِ کمک ءُُ ھمبراھ داری کتگ۔ یو اے ای ءِ سفیر ءَ گوشت کہ متحدہ عرب امارات ءَ نوکیں کمپنی گوادر ءَ سرمایہ کاری ءِ واھشت ایگ انت ءُُ اے مول ءُُ مراد ءِ واستہ اے کمپنی آنی نماھندگ آں انوں زوتاں پاکستان ءِ تر ءُُ تاب ھم کتگ۔ آئی ءَ پاکستان ءِ گوما ھمگام ءَ اوشتگ ءَ وتی ملک ءِ راستیں جزم ءِ درشان کتگ۔
