اسلام آباد۔ 14مئی (اے پی پی) صدر مملکت ڈاکٹر عارف علوی تون وزیراعظم نا خصوصی کمکار اطلاعات و نشریات ڈاکٹر فردوس عاشق اعوان سے شنبے نادے آ داڑے اوڑدہی کرے۔ اوڑدہی آن پد میڈیا تون گپ و تران کرسا خصوصی کمکار ڈاکٹر فردوس عاشق اعوان پارے کہ صدر مملکت میڈیا نا ویل آتے ایسر کننگ نا بابت زمواری تسنے۔ اوپارے کہ صدر مملکت پاکستان نا شونداری و شونہالی نا بابت اسہ وژن اس تخک۔ ڈاکٹر فردوس عاشق اعوان پارے کہ ہرراج اٹی چیلنج آتون مون تننگ کن سوشل میڈیا نا اہم ءُ کڑد اسے۔ صدر مملکت تون اوڑدہی ٹی پاکستان نا مثبت دروشم نا بابت میڈیا نا کڑد آ ہیت مس وخت اس کہ راجی ویل آتا چندی پلو آتیا ہم گپ و تران مس۔ ڈاکٹر فردوس عاشق اعوان پارے کہ داوخت آ پدسلوک آتپہ نا ویل و مشکل آتے ایسر کننگ نا بابت ہم ہیت مس وخت اس کہ اختیار آتے شیفکو کہول آ گدریفنگ آ ہم گپ و تران مس۔ اوپارے کہ صدر تون اوڑدہی ٹی میڈیا مالکان و ورکرزآتا نیام اٹ تعلقداری کار آ ہم ہیت مس۔
