اسلام آباد۔ 14مئی (اے پی پی) بنجائی وزیر توانائی و پٹرولیم عمر ایوب خان پارینے کہ سہور و باملنگ نا وخت وپاس اٹ ہچ ءُ لوڈشیڈنگ اس کپننگ انگ ءِ۔ سے شنبے نادے آ سہور نا وخت و پاس اٹ مچ آ ملک اٹی 8 ہزار 789 فیڈرآتیان 99 درسد فیڈر پورو وڑاٹ فعال ئسر۔ داڑے اسہ بیان اسے ٹی اوپارے کہ دوشنبے نا شام ملک انا چندی علاقہ غاتے ٹی طوفانی تہو و گڑاس علاقہ غاتے ٹی بجلی دُزی نا سوب آن بجلی نا تنصیبات آک زہمی مسر ولے اوکان پد ہم بیرہ اسہ درسد فیڈر آتیان بجلی نا فراوانی ٹی تعطل ودی مس۔ اوپارے کہ ہرا علاقہ غاتے ٹی بجلی نا کھمبہ، کنڈیکٹر و ایلو تنصیبات آتے نسخان رسینگانے ہموڑے ہم بجلی نا بحالی کن دمدستی گام گیج آتا بناءِ کننگانے۔
