لاہور۔ 14مئی (اے پی پی) محکمہ موسمیات نا رداٹ لاہور تون اوار پنجاب نا چندی علاقہ غاتے ٹی (اینو) چارشنبے آن ہفتہ اسکان جاگہ جاگہ ترند تہو و ہورہ و گروک تون پِر وخت اس کہ ملک انا ایلو علاقہ خیبر پختونخواہ، اسلام آباد، بلوچستان، بڑزکو سندھ، گلگت بلتستان، کشمیر، مکران، قلات، ژوب و ڈی جی خان ڈویژن اٹی چارشنبے آن پنچ شنبے نا نیام اٹی گڑاس ہند آتیا پِر انا گمان ءِ۔ محکمہ موسمیات نا رداٹ پنچ شنبے آن جمعہ نا نیام اٹ سندھ، مکران نا کرکی علاقہ و کراچی ٹی پش پش جمر نا بڑونک مننگ تون ہور ہ و گروک تون ہلکا پِر انا گمان ءِ۔ دا وخت اٹی ملک انا چندی علاقہ غاتے ٹی دے انا درجہ حرارت اٹی معمول آن 04آن 06 ڈگری کمتی نا پیشگوئی کننگانے۔ محکمہ موسمیات نا رداٹ سے شنبے نادے آ ملک انا گیشتر علاقہ غاتے ٹی دے اٹی موسم باسن و بارُن وخت اس کہ سویلی پنجاب و سندھ اٹی بھاز باسنی ئس۔ تدوک آ دے ریکارڈ کروک آ باسن انگا جاگہ غاتا درجہ حرارت نا رداٹ جیکب آباد، شہید بے نظیر آباد، دادو، لاڑکانہ45، پڈعیدن و موہنجوداڑو44 ڈگری سینٹی گریڈ ریکارڈ کننگا، وخت اس کہ صوبائی دارالحکومت لاہور اٹی 38، فیصل آباد 38، ملتان و سرگودھا 41، اسلام آباد 35، کراچی 36، پشاور 37 و کوئٹہ ٹی 32 سینٹی گریڈ ریکارڈ کننگا۔
