اسلام آباد۔ 14مئی (اے پی پی) پاکستان تحریک انصاف نا چیف آرگنائزر سیف اللہ خان نیازی قومی اسمبلی آن 26می آئینی ترمیم نا منظوری آ قبائلی ضلع غاتا الس ءِ مبارکبادی تسنے۔ سے شنبے نا دے آ تینا اسہ بیان اسے ٹی سیف اللہ نیازی پارے کہ ترمیم نا منظوری خیبر پختونخوا ٹی قبائلی ضلع غاتا اوار کننگ نا کنڈا اہم ءُ گام اسے۔ اوپارے کہ قبائلی الس ءِ مستین اٹی سخت انگا حالیت و بھاز انگا محرومی تتون مون تروک مسنے، دا اہم آئینی ترمیم نا منظوری آن قبائلی الس نا احساس محرومی ءِ چٹفنگ اٹ کمک رسینگک۔ آئینی ترمیم آن قبائلی الس ءِ مون تروک بے چکاری نا چٹفنگ ہم مریک۔ اوپارے کہ اہم آئینی ترمیم نا قومی اسمبلی آن امنائی منظوری بے کچ است بڈ ءِ، 26می آئینی ترمیم نا مبارکباد تون قبائلی الس نا شونہالی کن پورو خواری کننگ نا عزم ہم یات کینہ۔
