اسلام آباد۔ 13 مئی (اے پی پی) بنجاہی وزیر پیٹرولیم ڈویژن عمرایوب ءَ گوشت کہ اوگرا ءِ گوستگیں 8ماہ ءِ تہ تیل ءِ نہادانی ودکی ءِ سفارش ءَ را حکومت ءَ را نہ من اتگ،اُلس ءَ را 58ارب کلدار ءِ ریلیف دات ہمہ کہ ریکارڈ انت،مہ پیٹرولیم چیزانی سرا سیلز ٹیکس ءِ کساس 17درسد ءَ تاں آرتگ ات،گوستگیں حکومت سوئی سدرن ءُُ نادرن گیس کمپنی ءِ 230ارب کلدار ءِ سرکولر ڈیٹ یلہ داتگ ءُُ توان ءِ تک ءِ تہ گوستگیں حکومت ءِ گڈی سال ءِ تہ 450ارب کلدار ءِ سرکولر ڈیٹ گیش بوتگ،مہ2020ءِ تاں اے سرکولر ڈیٹ ھلاس کنیں۔دوشمبے ءَ بُرزی ایوان ءِ دیوان ءِ تہ سینیٹر شیری رحمن ءُُ سینیٹر میر کبیر محمد شاہی ءُُ دگرءَ تحریک التواءِ سرا باست ءُُ واست کنان ءَ گوشت کہ پاکستان ڈن ملکاں چہ تیل برآمد کنوکیں ملک انت،2014ءِ تہ تیل ءِ کیمت 27ڈالر یک بیرل ات بلے مسلم لیگ (ن)ءِ حکومت ءَ سیلز ٹیکس ءِ شرح کم کنگ ءِ ابید 56درسد سیلزٹیکس جتگ ات۔آہاں گوشت کہ لہتیں روچانی تہ میاں اوستمانی مارکیٹ ءِ تہ تیل ءِ کیمتانی تہ جہل برز بوتگ ات،مروچی پیٹرول ءِ کیمت 72ڈالر فی بیرل ات،آہاں گوشت کہ پاکستان ءِ تہ بھارت، سری لنکا ءُُ بنگلہ دیش ءِ مقابلہ ءَ تیل ءِ نہادانی کیمت کم انت، متحدہ عرب امارات تیل پیدا کنوکیں ملک انت بلے اودا ھم تیل ءِ نہاداں ودکی بوتگ انت۔آہاں گوشت کہ بلوچستان ءِ تہ شمسی توانائی ءِ ھاترا نوکتریں ٹیکنالوجی ءَ آرگ اوں،اے منصوبگ ءِ ھاترا 14 ارب ڈالر ءِ سرمایہ کاری کاایت۔آہاں گوشت کہ قابل تجدید توانائی ءَ را کارمرز کنان ءَ انرجی مکس مقامی وسیلگ ءِ سرا دیم دیگ ءَ چہ بچت بیت،اے وھد ءَ انرجی مکس ءِ تہ قابل تجدید توانائی ءِ بھر چار درسد انت،مہ 2030ءِ تاں ایشی ءَ را 30درسد ءَ تاں بریں،انرجی مکس ھندی وسیلگ ءِ سرا دیم داتگیں وسیلگ ءِ سرا بچت بیت۔آہاں گوشت کہ امریکہ ءَ گوشت کہ ایران ءِ سرا تیل ءِ برآمد ءِ بندش ءِ استثنیٰ ھلاس بوھگ انت،حکومت ءَ را میاں اوستمانی مارکیٹ ءِ تہ تیل ءِ نہادانی تہ ودکی ءِ ھوار دراھیں چیزاں را دیما ایر کنگ ءِ پیسلہ کنگ بوھگ انت۔ آہاں گوشت کہ گوست حکومت سوئی سدرن ءُُ سوئی ناردرن گیس کمپنی ءِ 230 ارب کلدار ءِ سرکولر ڈیٹ ءِ وام یلہ داتگ وھدیکہ توان ءِ تک ءِ تہ گوستگیں حکومت ءِ گڈی سال ءِ تہ 450ارب کلدار ءِ سرکولر ڈیٹ گیش بوتگ ات،گوست حکومت ءَ گچینکاری ءَ را دیما ایر کنان ءَ توان ءُُ گیس ءِ نہاداں ودکی نہ کتگ۔ وزیر پٹرولیم ءَ گوشت کہ ستمبر2018ءِ تہ نیپرا ءَ توان ءِ نہادانی تہ 3کلدار84پیسہ ودکی ءِ سفارش کتگ،مزن وزیر ءَ کڈنی دات کہ کسانیں کنزیومرءِ سرا برڈن نہ کپ ایت،مہ مچ ءِ وڈ ءَ توان ءِ نہاداں 1.27کلدار ءِ ودکی کتگ وھدیکہ 300 چہ کم یونٹ کارمرز کنوکیں کنزیومر انی ھاترا نہادانی تہ ودکی کنگ مہ بوتگ۔آہاں گوشت کہ مزن وزیر ءِ کڈنی ءِ سرا توان دُزانی ھلاپ ءَ سکیں کارروائی کنگ بوھگ انت،گوستگیں ھشت ماہ ءِ تہ توان دُزاں چہ 61 ارب کلدار گپتگ ات، ملک ءِ تہ 8780 فیڈرز انت، 80 فیصد فیڈرز ءَ را لوڈ شیڈنگ چہ مستثنیٰ کر تگ ات۔ آہاں گوشت کہ سرجمیں ملک ءِ تہ رمضان المبارک ءِ تہ سھورءُُ دپ بوج ءِ تہ دراجیں لوڈشیڈنگ ات بلے مہ سسٹم ءَ را گہتر کتگ ءُُ مہلوک ءَ را ریلیف دیئگ اوں۔آہاں گوشت کہ 31 دسمبر 2020ءِ تاں 450 ارب سرکولر ڈیٹ وام ھلاس کنیں۔ایشی ءَ چہ پیسر ءَ باست ءُُ واست ءِ تہ بھرزوران ءَ سینیٹر کبیر محمد شاہی ءَ گوشت کہ گران بہائی ءِ تہ ودکی ءِ سبب ءَ مہلوک ءِ بہا زورگ ءِ تاگت کم بوتگ۔ سینیٹر محسن عزیز ءَ گوشت کہ میاں اوستمانی مارکیٹ ءِ تہ تیل ءِ نہاداں کمی بیشی ءِ سبب ءَ پیٹرولیم چیزانی تہ مٹ ءُُ سٹ کنگ بوھگ انت۔آہاں گوشت کہ اے گپ راست انت کہ گراں بہاءِ تہ ودکی بوتگ بلے پیپلز پارٹی ءُُ مسلم لیگ (ن) ءِ حاکمی ءَ گراں بہائی گیش ات۔ سینیٹر مشتاق احمدءَ گوشت کہ آئی ایم ایف چہ بیل آوٹ پیکج زورگ مستریں غلطی انت ءُُ گوست ءَ ھم اے وام زورگ غلط ات۔ سینیٹر رخسانہ زبیریءَ گوشت کہ پٹرولیم مصنوعات ءِ نہادانی باروا ھاسیں کمیٹی جوڈ دیگ بیت۔ سینیٹر ستارہ ایاز ءَ گوشت کہ حکومت مہلوک ءَ گوں کتگیں وعدہ ءَ سرجم کن ایت۔ سینیٹر پرویز رشیدءَ گوشت کہ گوست ءَ مہلوک ءِ آسراتی ءِ ھاترا رمضان المبارک ءِ تہ رمضان پیکیج دیئگ بوھگ ات،استیں حکومت ءَ ماہ رمضان ءِ ھاترا دوارب کلدارءِ پیکیج داتگ، یوٹیلٹی سٹورز ءِ تہ چیزانی پھجارگ سدکی جوڈ کنگ بیت۔ سینیٹر عثمان کاکڑ ءُُ سینیٹر نعمان وزیر ءَ ھم باست ءُُ واست ءَ بھرزوراتگ۔(ن۔ا۔ج)
