نیزگاریں مردم عمران خانءِ دلءَ نزیک اَنت، آیانی سرءَ گران بہائی ءِ گیشیں بار دور دیئگ نہ بیت، ڈاکٹر فردوس عاشق اعوان

اسلام آباد۔13مئی (اے پی پی) مزن وزیر ءِ حالء ُ احیوال کاری ء ُ شنگکاری ءِ حاسیں کمک کار ڈاکٹر فردوس عاشق اعوان ءَ گشتگ کہ گوستءِ جوانیں انتظامی نہ کنگء ُ لُٹء ُ ور ءِ سببءَ ملک معاشی پدمنتگی ءِ آماچ بوتگ، پاکستان تحریک انصاف ءِ حکومت وتی جوانیں پروگرام ءِ وسیلگءَ چہ معاشی جیڑہء ُ جنجالاں زوت گرء ُدار کنتء ُ پاکستان دیمرو ئی ء ُ وشھالی ءِ نیمگءَ گام جنت، احساس پروگرامءَ را گیش پراہء ُ شائگان کنگ بیت، اے ہوالگءَ انوگیں بجٹ 100ارب کلدار ءَ چہ گیش کنگء ُ 180ارب کلدار کنگ بیت۔ دوشمبے ءِ روچءَ وتی یک بیانءَ ڈاکٹر فردوس عاشق اعوان ءَ گشت کہ مزن وزیر عمران خان ءَ وتی سیاست ءَ نہ پاکستان ءِ پائدگ دوست داشتگ۔ مزن وزیر عمران خانءِ وژن ءِ ردءَ نیزگارتبک ءِ حق الما پہازگ بنت۔حاسیں کمک کارءَ گشتگ کہ نیزگاریں مردم عمران خانءِ دلءَ نزیک اَنت، آیانی سرءَ گران بہائی ءِ گیشیں بار دور دیئگ نہ بیت۔