اسلام آباد۔ 13مئی(اے پی پی) ہوابازیءِ بنجاہی وزیر غلام سرور خان ءَ گشتگ کہ پی آئی اے ءِ ہیڈ کوارٹر کراچی ءِ بدل ءَ اسلام آبادءَ جوڑ کنگءِ فیصلہ نہ بوتگ، ہرچ فیصلہ بیت راجی پائدگء ُ پہ پی آئی اے ءِ گہتری ءِ ھاترءَ بیت، دوئیں ایوان آں چہ شورء ُ صلہ کنگ بیت۔ دوشمبے ءِ روچءَ ایوان بالا ء َ پی آئی اے ءِ ہیڈ کوارٹرز کراچی ءِ بدل ءَ اسلام آباد ءَ نہ کنگءِ ہوالگءَ تپاک نامہ ءِ سرءَ حیالء ُ لیکہ ءِ درشانی کتگء ُ گشتگ کہ تپاک نامہ ءِ سرءَ گپ ء ُ تران کنگءِ وہدءَ بازیں جوانیں سر ء ُ سوج دیما اَتکگ، یک سروے رپورٹ ئے ہم مے دیما اَست اِنت۔ آئیءَ گشتگ کہ اگاں چارگ بہ بیت گڑا شمالی دمگاں چہ امریکہ، کینیڈا، برطانیہ، خلیجی ملک ء ُ دگہ ملک آنی ھاترءَ مسافر گیش بنت، اے وہدءَ پی آئی اے ءِ 12ہزار پکّہ ء ُ6ہزار ڈیلی ویجز ملازم اَست اَنت۔ آئیءَ گشت کہ گوستگیں 10سالاں پی آئی اے ءِ نقصان ہمک سال ءَ گیش بوتگ بلے مے حکومتءِ دورءَ گہتری پیداک اِنت۔
