مرکزی رویت ہلال کمیٹی نا چیئرمین مفتی منیب الرحمان نا اے پی پی تون گپ و تران
اسلام آباد۔ 12مئی (اے پی پی) مرکزی رویت ہلال کمیٹی نا چیئرمین مفتی منیب الرحمان پارینے کہ اینخو سال کم آن کم فطرانہ نا کچ 100 روپئی فی کس تخنگانے۔ یک شنبے نادے آ داڑے اے پی پی تون گپ وتران اٹی اوپارے کہ 2.25کلوگرام خولم نا مارکیٹ نہاد نا تناسب اٹ صدقہ فطر 100 روپئی فی کس مریک، صاحب استطاعت بندغ آتے کن ہرا کھجور، کشمش و پنیر نا کچ آن صدقہ فطر نا تناسب بالترتیب 400، 1600، 1920 و 2940 روپئی فی کس مریک۔ اوپارے کہ گرج آن زیات خور تخوک آ مسلمان تے صدقہ فطر ءِ عئید انا نماز آن مست بایدے ادا کیر۔ برسر روزگار و وتواجہ بندغ آتے تینا زیر کفالت بندغ آک دُن کہ زائیفہ، چناک، زیر کفالت و سرپرستی رشتہ دار و ملازم آتا فطرانہ ءِ بایدے ادا کروئی مرے۔ اوپارے کہ فطرانہ نا پیسہ غاتے عئید انا نماز آن ماست ادائیگی نا خیال ءِ تخنگے تانکہ حقدار آک ہم عئید انا خوشی تیٹی اوار مننگ کیر۔
