اسلام آباد۔ 12 مئی (اے پی پی) وزیراعظم عمران خان شوکت خانم میموریل ٹرسٹ انا افطار ڈنر اٹی فنڈ ریزنگ اٹ 200 ملین روپئی نا ریکارڈ عطیہ تننگ آ ڈونر آتا منت واری ءِ ہرفینے۔ تدوک آ دے تینا اسہ ٹویٹ اسے ٹی وزیراعظم پارینے کہ زکواۃ نا غٹ عطیہ غاتے کینسر نا غریب مریض آتا مفت درمان آ خڑچ کننگک۔ داکان مست افطار ڈنر آن تران اٹی وزیراعظم عمران خان پاریسس کہ شوکت خانم کینسر ہسپتال پشاور اٹی ریڈی ایشن نا آسراتی نا سوب ہسپتال ملک انا بڑزکو علاقہ غاتا غٹ آن گچین انگا ہسپتال ءِ۔ اوپارے کہ کراچی ٹی شوکت خانم میموریل کینسر ہسپتال نا بنداو ءِ زوت تخنگک و ہسپتال ءِ جہانی آب انا رداٹ تفنگک۔ اوپارے کہ ایس کے ایم سی ایچ اٹی نیزگار و ہزگار مریض آتا اسہ وڑدرمان ءِ کننگک۔ اوداعزم انا اعادہ ءِ کرینے کہ سرکاری ہسپتال آتا آب ءِ ہم گچین کننگک تانکہ الس ءِ نجی بشخ آتیانبار درمان نا آب اٹ آسراتی فراوان کننگ مرے۔
