اسلام آباد۔ 12 مئی (اے پی پی) وزیراعظم عمران خان گوادر اٹی پرل کانٹی نینٹل ہوٹل آ دہشت گرد آتا جلہو نا مذمت ءِ کرینے، اوسیکورٹی گارڈ انا بنائی چک و تاڑ و سیکورٹی فورس آتا وخت آ کارروائی آن نہادی انسانی جان تے رکھ کننگ نا عمل نا ستاءِ ہم کرے۔ وزیراعظم دہشت گرد آتا برخلاف کروک آ آپریشن اٹی شہید و ٹھپی مروک آتا دلیری ءِ گمر نا قابل گوندا۔ اوپارے کہ خاص کر بلوچستان اٹی داوڑنا کارروائیک ننا معاشی شونداری و سوگوی نا عمل ءِ زہمی کننگ کپسہ۔ وزیراعظم عمران خان تینا کلہو اٹی پارے کہ نن دُن انگا ایجنڈا ءِ اسل سرسہب مننگ کن الیپنہ۔ اودا عزم انا اعادہ ءِ کرے کہ پاکستانی الس و سیکورٹی فورس آک دہشت گرد آتے شکست ایترہ۔
