اسلام آباد۔ 12 مئی (اے پی پی) وزیراعظم نا خصوصی کمکار اطلاعات و نشریات ڈاکٹر فردوس عاشق اعوان پی سی گوادر اٹی دہشت گرد آتا جلہو نا ترندی اٹ مذمت ءِ کرینے۔ یک شنبے نادے آ تینا اسہ بیان اسے ٹی اوپارے کہ پاکستان نا امن و شونداری نا دشمنک تینا گندہ انگا عزم اٹ بے سہب و نامراد مریرہ، ننا شہید آک ننا گمرآک ءُ، مچ آ قوم اوفتے سلام پیش کیک۔ ڈاکٹر فردوس عاشق اعوان پارے کہ قوم دہشت گردی نا برخلاف یکجا ءُ اودے ہر حال اٹ شکست ایترہ۔ خصوصی کمکار شہید آتا درجہ غاتا بڑزی و ٹھپی تا زوت جان جوڑی کن دعا کرے۔
