اسلام آباد۔ 12مئی (اے پی پی) پاکستانی نیاڑی تا برام تا ویل آتے چٹفنگ کن پاکستان و چین اواری اٹ کاریم کننگ ءُ تانکہ گڑاس چینی شاری تا کنڈآن انسانی سمگلنگ نا گام گیج آتے توننگ مرے۔ یک شنبے نادے آ دفترخارجہ نا ترجمان ڈاکٹر محمد فیصل تینا اسہ بیان اسے ٹی پارے کہ دا ویل آ ہڑتوم آ ملک آتا حکومت آک خڑکی رابطہ ٹی ءُ۔ اوپارے کہ دفترخارجہ و چین اٹی پاکستانی مشن چاروکی ءِ کننگ ءُ تانکہ دا ویل آ غاو تروک آ ہر شاری نا ہروڑنا ممکنہ کمکاری ءِ المی جوڑ کننگ مرے۔ اوپارے کہ ہڑتوم آ ملک آتا تعلقدار ادارہ غاک دا بابت خڑکی رابطہ ٹی ءُ تانکہ زہمی انگا بندغ آتے کمک فراوان کننگ مرے و اوار بندغ آتے کانود نا رداٹ سزا تننگک تانکہ داوڑنا واقعہ غاک دُوار ہ مفس۔
