وزیراعظم عمران خان نا صوبائی کابینہ نا دیوان نا اسیجا کماشی ءِ کننگ نا وخت آ گپ و تران

لاہور۔ 11مئی (اے پی پی) وزیراعظم عمران خان پارینے کہ ننا غٹ آن بھلا قوت ننا افرادی واک ءِ، شونداری ڈٹ آتے ٹی کسب کار بندغ آتے کن روزگار نا زیات آن زیات وارخواہی فراوان کیر، کشت و کشار ءِ مون آدننگ و پیدوار اٹی ودکی کن خاص ءُ پروجیکٹ آتا بناءِ کننگک، ہر شونداری ڈٹ السی راجی آسراتی کن بایدے مرے و اونا پوروی نا مد و فعالیت ءِ مون آ تخسا جوڑ کننگے۔ داخیال آتا درشانی ءِ او وزیراعلیٰ پنجاب سردار عثمان بزدار تون پنجاب صوبائی کابینہ نا دیوان نا اسیجا کماشی ءِ کننگ نا وخت آ گپ و تران کرسا کرے۔ وزیراعظم عمران خان وزیر اعلیٰ سردار عثمان بزدار تون پنجاب صوبائی کابینہ نا دیوان نا اسیجا کماشی ءِ کرے۔ کابینہ دیوان اٹی بروک آ مالی سال 2019-20 ء ٹی شونداری ڈٹ آتا بابت پبلک پرائیویٹ پارٹنر شپ آ حوال تننگا۔ داوخت آ گپ و ترانکرسا وزیراعظم پارے کہ حکومت تون مالی وسیلہ غاک کچ اٹ مریرہ ہنداخاطران شونداری ڈٹ آتے ٹی پرائیویٹ سیکٹر ءِ اوار کننگ آ خصوصی چکار کننگے۔ وزیراعظم پارے کہ زرکاری نا وڑوڈول آتے آسان کینہ۔ ون۔ونڈو آپریشن نا رداٹ زرکارآتے آسراتی فراوان کینہ۔ اوپارے کہ ننا حکومت کاروبار اٹی آسانی تیا خصوصی چکار کننگ ءِ۔