وزیراعظم نا خصوصی کمکار اطلاعات ونشریات ڈاکٹر فردوس عاشق اعوان نا خواجہ آصف نا بیان آ ردعمل

اسلام آباد۔ 11مئی (اے پی پی) وزیراعظم نا خصوصی کمکار اطلاعات و نشریات ڈاکٹر فردوس عاشق اعوان پارینے کہ خواجہ آصف ہمیشہ بدزبانی نا جوہر ءِ نشان ترسا نواز شریف آن تھپکی ہلک، مسلم لیگ (ن) نا پالیس ہی ہندادے کہ ہنداخہ دروغ تڑ کہ راست لگنگ کے، بیرہ یوٹیلیٹی اسٹور آک آخا مچ آ ملک اناخزانہ ءِ خورک کرسا نون لیگیک تینا جیب آتے پُر کریر۔ خواجہ محمد آصف نا بیان آ تینا ردعمل نا درشانی ءِ کرسا اوپارے کہ خواجہ آصف ہمیشہ دروغ تڑسا الس ءِ گمراہ کرسا بسنے، خواجہ آصف مدام بدزبانی نا جوہر ءِ نشان ترسا نواز شریف آن تھپکی ہلک۔ ڈاکٹر فردوس عاشق اعوان پارے کہ خواجہ آصف نا قصور اف، اونا جماعت نا پالیسی ہی ہندادے کہ ہنداخہ دروغ تڑ کہ خلقت ءِ راست لگنگ کے۔ خصوصی کمکار اطلاعات و نشریات پارے کہ (ن) لیگ انا سی سالہ کچرہ نا گند زوت ہی چٹک۔ اوپارے کہ بیرہ یوٹیلٹی اسٹورآک آخا مچ آ ملک انا خزانہ ءِ خورک کرسا نون لیگ والاک تینا جیب آتے پُر کریر۔ اوپارے کہ برکت انگا تُو اٹی حکومت 2 ارب روپئی نا روچہ پیکج اس تسنے، گدرینگوک آ سال نما حکومت نا کنڈآن تروک آ سبسڈی اینو آن بھاز کم ئس، ہرافتیان 76کروڑ روپئی نا سبسڈی بیرہ نما نا بودی و نالائقی نا سوب آن لیپس کننگاسر۔ ڈاکٹر فردوس عاشق اعوان پارے کہ ننا پارلیمانی میٹنگ آتے ٹی السی ویل آتا ہیت مریک لطیفہ گوئی مفک۔