الس تینا کیپٹن تون ہم کوپہ مشکل حالیت آتا دلیری اٹ مقابلہ ءِ کننگ ءُ، ڈاکٹر فردوس عاشق اعوان

اسلام آباد۔ 11مئی (اے پی پی) وزیراعظم نا خصوصی کمکار اطلاعات ونشریات ڈاکٹر فردوس عاشق اعوان پارینے کہ الس تینا کیپٹن تون ہم کوپہ مشکل حالیت آتا دلیری اٹ مقابلہ ءِ کننگ ءُ، عمران خان نا مسخت نظام اٹی تالان مروک آ کینسر نا آخبتی درمان ءِ، سوگو وتواجہ ادارہ کرپشن، نیزگاری و کبینی نا چٹفنگ و پدسلوک آ علاقہ غاتا شونداری ننا اولیت ءِ۔ ہفتہ نادے آ تینا اسہ ٹویٹ اسے ٹی خصوصی کمکار پارے کہ تاریخ گواہ ءِ کہ شدید مخالفت و تنقید مدام عمران خان ءِ تینا مسخت آ استقامت تس و مزل نا خڑک کرے۔ اوپارے کہ وزیراعظم عمران خان تینا پدریسہ جہد و وژن آ یکسوئی اٹ مدام تینا مخالف آتے غلط ثابت کرینے۔