لاہور تون اوار پنجاب نا گیشتر علاقہ غاتے ٹی اینو ترند تہو و ہورہ و گروک تون پِر انا گمان ءِ،محکمہ موسمیات

لاہور۔11 مئی(اے پی پی)محکمہ موسمیات نارداٹ لاہور،سرگودھا، ملتان، فیصل آباد،راولپنڈی،فیصل آباد،ساہیوال، بہاولپور، ڈی جی خان،کوئٹہ، ژوب، قلات، کوہاٹ، بنوں، ڈی آئی خان، ہزارہ،سکھر،شہید بینظرآباد، لاڑکانہ ڈویژن، اسلام آباد، گلگت بلتستان وکشمیر اٹی گڑاس ہند آتیا اینو(یک شنبے نادے آ) ترند تہو و ہورہ و گروک تون پِر انا گمان ءِ،ولے ملک انا گیشتر علاقہ غاتے ٹی دے اٹی موسم باسن و پِرکپک وخت اس کہ سویلی پنجاب و سندھ اٹی بھاز باسنی مریک۔ محکمہ موسمیات بروک آ ہفتہ ٹی ملک انا گیشتر علاقہ غاتے ٹی پِر و ترند تہو انا سوب دے انا درجہ حرارت اٹی 03 آن 05 ڈگری کمتی ناہم پیشگوئی کرینے۔گدرینگوک آ 24 گھنٹہ ٹی ملک انا گیشتر علاقہ غاتے ٹی موسم باسن و پِرکپک وخت اس کہ سویلی پنجاب وسندھ اٹی بھاز باسن ئس۔ولے راولپنڈی،سرگودھا، ڈی جی خان، مالاکنڈ، ہزارہ ڈویژن،گلگت بلتستان و کشمیر اٹی جاگہ جاگہ غا تہو و ہورہ و گروک تون پِر مس وخت اس کہ لاہور، فیصل آباد،بہاولپور ڈویژن و اسلام آباد اٹی پڑی پڑی کرے۔غٹ آن زیات پِر کشمیر ناراولاکوٹ 23،گڑھی دوپٹہ08،کوٹلی05، مظفرآباد02، پنجاب نامری 10، لیہ 04، نورپورتھل، بھکر02،کوٹ ادو 01، خیبرپختونخواہ کے کاکول02، مالم جبہ، بالاکوٹ01،گلگت بلتستان نا گوپس اٹی 03 ملی میٹرپِر ریکارڈ کننگا۔ہفتہ نادے آ گوجرانولہ، لاہور،سرگودھا، بہاولپور، مالاکنڈ، ہزارہ،کوہاٹ، بنوں، قلات، شہید بینظیر آباد، لاڑکانہ، راولپنڈی ڈویژن،اسلام آباد،گلگت بلتستان و کشمیر اٹی گڑاس ہند آتیا تہو و ہورہ و گروک تون گڑاس جاگہ غاتیا بوندا باندی و مچے پِر کرے ولے ملک انا گیشتر علاقہ سویلی پنجاب و سندھ اٹی موسم باسن و پِر کتو۔ تدوک آ دے صوبائی دارالحکومت لاہور اٹی ترند تہو اتون زرس پِر موسم ءِ خوشگوار کرے۔ تدوک آ دے ریکارڈ کروک آ باسن انگا جاگہ غاتا درجہ حرارت نارداٹ نورپورتھل، دادو 45، سبی، جیکب آباد 44، سکرنڈ، بھکر، خانپور، بہاولنگر، سکھر وپڈعیدن اٹی 43 ڈگری سینٹی گریڈ ریکارڈ کننگا وخت اس کہ صوبائی دارالحکومت لاہور اٹی 41،فیصل آباد42،ملتان40 سرگودھا 41، اسلام آباد36، کراچی33، پشاور38 وکوئٹہ 32 سینٹی گریڈ ریکارڈ کننگا۔