اسلام آباد۔ 26جنوری (اے پی پی) قومی محکمہ موسمیات نا رداٹ پر و برف باری نا ساڑی چرجوئی وقفہ وقفہ اٹ مارچ انا نیمہ اسکان برجاہ سلنگ نا گمان ئِ۔ محکمہ موسمیات نا رداٹ ساڑی آ پرتیان پد یخ ئُ تہو تتون پر انا پوسکن آ چرجوئی 3آن 6فروری ٹی بناءمننگ نا گمان ئِ۔ اوپارے کہ اینخو سال انا بناءمننگ آن پد پر تا مسہ سسٹم داخل مننگ آن پد گدرینگانو۔ موسمیاتی تغیری نظام لانینا و ڈی پول نا سوب آن مارچ انا نیمہ اسکان ننے پر تا مسٹ آن چار چرجوئی نا مون تروئی تمنگ مریک۔ جم وڑاٹ وسط مارچ اسکان پاکستان تون اوار مچ آ سویل ایشیا ٹی پر و یخ انا چرجوئی برجاہ سلنگ نا گمان ئِ۔ محکمہ موسمیات پارے کہ آمدہ و یک اینڈ (پگہ و پگہ آخا ایلودے) ٹی ملک انا گیشتر بشخ آتیٹی موسم خشک و یخ سلنگ نا گمان ئِ۔
