اسلام آباد۔10مئی (اے پی پی) دری کارانی وزیر شاہ محمود قریشی ءَ گشتگ کہ ای ویزہ ءِ سوبمندیں بندات کنگ مے حکومت ءِ یک مزنیں سوبمندی اِت، ویزہ ءِ وہدءِ سرءَ جاری کنگء ُ ساپ ء ُ صلہ کنگءِ ای ویزہ پجار کنائینتگ۔ اے گپ آئیء َ جمعہ ءِ روچء َ دری کارانی وزارت ءَ نادراءِ چیئرمین عثمان مبین ءِ نیمگءَ چہ ای ویزا ءِ جاری کنگءِ ہوالگءَ دری کارانی وزیر ءَ را شونشتءِ موہءَ گشتگ۔ نادراءِ چیئرمین ءَ ای ویزآسراتی ءِ ہوالگءَ شونشت داتگ۔ آئیءَ گشتگ کہ ای ویزا آسراتی ءِ بندات ءَ تاں انوں مارا 1946آن لائن ویزا ءِ دزبندی سربوتگ کہ ایشانی تہءَ 1152ءَ را ویزہ جاری کنگ بوتگ اَنت، 560دزبندیانی سرءَ کاروائی جاری اِنت وہدے کہ 95دزبندی بازیں تکنیکی سبب ءَ منظور کنگ نہ بوتگ اَنت۔ دری کارانی وزیر مخدوم شاہ محمود قریشی ءَ نادرا ءِ چیئرمین عثمان مبین ء ُ آئیءِ ٹیم ءِ کردءَ را ساڑاتگ۔
