اسلام آباد۔ 10 مئی (اے پی پی) مزن وزیر عمران خان ءَ سرکاری شوبگ ءِ دیمروئی پروگرام ءِ چیر دستی ءَ منصوبگ آنی سرجمی ءُُ برجائی ءِ ھمک تک ءُُ پھنات ءِ سر ءَ دلگوشی دیگ ءِ پنت ءُُ شون کنان ءَ گوشت کہ کم دیمروئی کنوکیں ءُُ پشتمندگیں دمگ آنی دیمروئی حکومت ءِ اولی ترجی انت، معاشی دیمروئی ءِ واستہ المی انت کہ زانت کاری پڑ ءَ را دیمروئی دیگ بہ بیت، کشت ءُُ کشاری شوبگ ءِ ازمکاری ءَ را جوانیں رنگ ءَ کارمردم کنگ ءِ واستہ نوکیں ٹیکنالوجی ءُُ لوٹ ءَ را سہرا کنگ ءِ ضلورت انت۔ آئی ءَ اے گپ آدینگ ءِ روچ ءَ پبلک سیکٹر ڈویلپمنٹ پروگرام برائے مالی سال 2019-20ءِ بابت ءَ مزن تک ءِ بریفنگ دیوان ءِ پاگواجئی ءَ کنان ءَ کت۔ ایشی ءِ تہ ءَ مزن وزیر منصبوبگ بندی مخدوم خسروبختیار، مشیر ھزانگ عبدالحفیظ شیخ، سیکرٹری ھزانگ یونس ڈاگھا، سیکرٹری منصوبگ بندی ظفر حسن ءُُ ایندگر کارندہ شریک اتنت۔ وزیر ءِ منصوبگ بندی مخدوم خسرو بختیار ءَ مزن وزیر ءَ را آیوکیں سال ءِ واستہ جتا جتائیں شوبگ آنی تہ ءَ بندات کتگیں نوکیں منصوبگ ءُُ پبلک سیکٹر ڈویلپمنٹ پروگرام ءِ چیر دستی ءَ جاڑیگیں منصوبگ آنی سرجمی ء ِ ھوالگ ءَ بریفنگ دات۔ مزن وزیر ءَ را گوشگ بوت کہ حوحکومت ءِ ویژن آیوکیں مالی سال ءِ ساھت ءَ زانت ءُُ معیشت ءِ دیمروئی، کشت ءُُ کشاری ءِ سرجمی ءِ بابت ءَ بریفنگ دات۔ آئی ءَ وزیر ءِ منصوبگ بندی ءَ را پنت ءُُ شون کت کہ پبلک سیکٹر ڈویلپمنٹ پروگرام ءِ چیر دستی ءَ بندات کتگیں ھمک منصوبگ ءِ سروجمی ءُُ برجائی ءِ کار تک آنی سر ءَ ھاسیں دلگوشی دیگ بہ بیت۔
