اسلام آباد۔ 9 مئی (اے پی پی) دری معاملہانی بنجاہی وزیر شاہ محمود قریشی ءَ گوشت کہ پاکستان ءِ تہ دری زرکاری ءِ پراھی ھاترا ماراسفارتکاری ءَ را گہتر کنگ بیت،کلچرل ڈپلومیسی ءَ را کارمرز کنان ءَ پاکستان ءِ تہ ٹوارزم ءِ شرح ءِ تہ ودکی آرگ بوھگ انت۔اے گپ آہاں پنچ شمبے ءَ دری معاملہانی کارگس ءِ تہ ھاسیں دیوان ءِ سروکی کنان ءَ کتگ ات۔دیوان ءِ تہ سیکرٹری فارن افیئرز سہیل محمود خان ءِ ھوار ٹوھیں واکداراں بھرزوراتگ۔دیوان ءِ مکسد دری پالیسی ءِ افق ءَ درپیش چیلنجز ءُُ طے شدہ ٹارگٹ ءِ سرا تنیگہ بوتگیں دیمروئی ءِ جائزگ گرگی ات۔آہاں گوشت کہ نوکیں ویزہ پالیسی ءِ برجاہی چہ شریں آسر دیما آھگ انت۔ڈن ملک ءَ نشتگیں پاکستانیانی فلاح ءُُ بہبود ءُُ آہانی جیڈھانی زوت حل ءِ ھاترا دراھیں پاکستانی سفارت جاھ ءَ را پدریں کڈنی داتگ ات۔دری معاملہانی وزیر ءَ گوشت کہ قونصلر سیکشن ءَ را ڈیجیٹلائیز کنگ بوتگ انت تنکہ مہلوک ءَ را کاگدانی تصدیق ءِ تہ گیشاں گیش آسراتی پھجارگ بنت۔
