اسلام آباد۔ 9 مئی (اے پی پی) مزن وزیر عمران کان ءَ گوشت کہ اسیتں حکومت ءَ وتی بن گپ آنی سرجمی لُکوکیں 8ماہ ءِ السی گہبود ءُُ اقتصادی دیمروئی ءِ در جنگ ءِ واستہ کم ءُُ گیش 36ارزشتی ایں منصوبگ آنی بنگیج کت، گریبی ءِ ھلاسی ءِ واستی ملکی راجدپتر ءَ اولی رند ءَ ”احساس“ ءِ بن گپ ءَ یک ٹوھیں ءُُ دراجیں پروگرام ءِ بندات کنگ بوتگ۔ اے پروگرام ءَ چہ نا ایوک ءَ وانگ ءُُ زانگ، روزگار ءِ پجاری ءُُ چاگرد ءِ ھمزوریں مردم آنی ضلورت آنی رد ءَ ریاست ءِ زمہ واری آنی پیلو کنگ ءَ کمک رس ایت بلکینگ ءَ الس ءِ گہبود ءِ واستہ حکومتی جیڈھ آسراتی جوانیں وڑ ءُُ پیم ءَ کارمرد کنگ پکو بوت کنت۔ آئی ءَ گوشت کہ پنچ شمبے ءِ روچ ءَ مزن وزیر کارگس ءَ جتا جتائیں سرکاری محکمہ آنی نیمگ ءَ کارپوریٹ سوشل ریسپانسیبلیٹی ءِ بابت ءَ کتگیں گامگیج آنی بابت ءَ دیوان ءِ پاگواجئی ءَ کنان ءَ کت۔ دیوان ءِ تہ ءَ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، یوسف بیگ مرزا، افتخار درانی، جارچین ندیم افضل چن، ڈاکٹر ثانیہ نشتر، سیکرٹری ھزانگ محمد یونس ڈھاگہ، سیکرٹری اطلاعات شفقت جلیل، چیئرمین نادرا، صدر نیشنل بینک، صدر کشت ءُُ کشاری دیمروئی بینک لمیٹڈ، ایگزیکیٹو وائس پریذیڈنٹ بینک آف پنجاب، سی ای او بینک آف خیبر، سوئی ناردرن ءُُ سوئی سدرن کمپنی آنی منیجنگ ڈائریکٹر ءُُ ایم ڈی پی ایس او ءَ ھوار ایندگر مردم ساڑی اتنت۔ صوبائی وزیرِ ءِ سیل ءُُ سواد خیبرپختونخوا محمد عاطف ھم اے موہ ءَ ساڑی ات۔ مزن وزیر ءَ گوشت کہ ملک ءَ سیل ءُُ سواد ءِ موہ آناں میاں اوستمانی تک ءَ سہرا کنگ، الس آناں راستیں رنگ ءَ وت مستر جوڑ کنگ حکومت آنی کار رپک، کلین اینڈ گرین پاکستان منصوبگ، ملکی معیشت ءَ را گہتری ءُُ کاروباری تبک آنی آسراتی ءِ واستہ گامگیج، 50 لکھ گس آنی جوڑیشت، کشت ءُُ کشاری شوبگ ءِ تہ ءَ گیشی ٹیکنالوجی ءِ دیمروئی ءُُ انصاف ءِ پجاری ءِ رد ءَ کتگیں گامگیج حکومت آں ی ارزشتی ایں منصوبگ آنی تہ ءَ لڑ اول سر ءَ انت۔ اے منصوبگ آنی رد ءَ پنجاپ ءِ دھکان آناں انوگ ءَ تاں 11ارب کلدار ءِ وام پجارینگ بوتگ۔ آئی ءَ گوشت کہ آزات کشمیر ءِ حکومت ءِ کمک ءَ چہ آزات کشمیر ءَ ھم اے منصوبگ آناں بندات کتگ وھدیکہ بلوچستان سندھ ءُُ خیبر پختونخوا ءِ صوبائی حکومت ءَ گوں اے رد ءَ گپ ءُُ تران جاڑی انت۔ صدر کشت ءُُ کشاری دیمروئی بینک ءَ گوشت کہ بینک کوڈیجیٹل کنگ ءُُ دھکان آناں اے ٹی ایم ءِ آسراتی پجاری کنگ ءِ سر ءَ کار برجا انت۔ خیبر پینک ءِ نیمگ ءَ مزن وزیر ءَ را گوشگ بوت کہ بینک ھوار کتگیں قبائلی دمگ آنی تہ ءَ روزگار ءِ پجاری ءِ سر ءَ ھاسیں دلگوشتی دیگ ءَ انت۔ ایشی ءَ گوں ھوار نودربر آناں سکالرشپ ءِ پجاری ءُُ زالبول آناں معاشی رنگ ءَ وت مستر کنگ ءِ منصوبگ ءِ سر ءَ ھاسیں دلگوشی دیگ بوھگ ءَ انت۔ مزن وزیر ءَ را گوشگ بوت کہ بنک آف خیبر ءَ گوں ھوار بوھوکیں قبائلی دمگ آنی ورنا آناں کاروبار بندات کنگ ءِ واستہ آسانی ءَ گوں وام ءِ پجاری ءِ سر ءَ ھاسیں دلگوشی دیگ ءَ انت ءُُ اے رد ءَ پنجاھ ہزار دھ لکھ ءَ تاں وام دیگ بوھگ ءَ انت تانکہ بلدکاری ورنا آناں وتی روزگار کنگ ءَ کمک بہ رس ایت۔ مزن وزیر ءَ جتا جتائیں کمپنی آنی نیمگ ءَ سوشل ریسپانسیبلیٹی ءِ رد ءَ چست کتگیں گامگیج آناں ساڑات۔
