اسلام آباد۔ 05مئی (اے پی پی) وزیراعظم محمد نواز شریف پارینے کہ پاکستان مسلم لیگ (ن) نا حکومت شرحالی کن دے و نن کاریم کننگ ئِ ، وسیلہ غاک قوم انا امانت ئُ ، اسہ اسہ پاولی ئِ الس نا شون و شونہالی آ خڑچ کننگ اُن۔ او داہیت ئِ پاکستان مسلم لیگ (ن) نا قومی اسمبلی نا باسک ناصر اقبال بوسال(این اے 109) ، ملک شاکر بشیر اعوان (این اے 70) ، و نجف عباس سیال (این اے 91) تون ہیت و گپ کرسا پارے ہراک پنچ شنبے آ وزیراعظم ہاﺅس اٹی اوڑتون جتا جتا اوڑدہی کریر۔ ہر مسٹ آ پارلیمان نا باسک آک وزیراعظم تون تینا حلقہ غاتے ٹی السی ویل، برجاءشونداری کاریم و سیاسی معاملہ غاتیا درشانِ خیال کریر و وزیراعظم ئِ پاریر کہ الس اوفتا شونداری کاریم تا پبی مخ تفی ئِ کیک و اوفتا سروکی و پالیسی تیا پبی پت کیرہ۔ وزیراعظم پارے کہ الس ئِ زند انا بنداوی آسراتی تا فراوانی کن اولیتی بنداو تیا وسیلہ غاتے فراوان کننگ انگ ئِ۔ الس نا زند آتے ٹی آسانیاں اتنگ کن مچ آ پاکستان اٹی پروگرام تیا ترند رفتاری آن عملدرآمد جاری ئِ۔ وزیراعظم پارے کہ انشاءاللہ ملک اٹی امن و ایمنی نا تنکی، توانائی نا تنکی نا چٹفنگ، پاک چین اقتصادی راہداری و انفراسٹرکچر نا ڈت آتے ہندا رفتار آن برجاتخنگک۔
