اسلام آباد۔9مئی)اے پی پی) پاکستان تحریک انصاف ءِ رہنما ء ُ سینیٹر فیصل جاوید ءَ گشتگ کہ ملک پیپلز پارٹی ء ُ مسلم لیگ نامی جن ءِ قبسءَ بوتگ، آہانی لُٹء ُ ورءِ سببءَ اُلس مرچی جیڑہء ُ جنجالانی آماچ اِنت، گوستءِ حکومتاں ملک ءَ را ارباں کلدارءِ وام دار کتگ، حکومتءِ نیمگءَ چہ جوڑ کتگیں پالیسی آنی اثر یک، دو سالءَ دیما کایاں۔ پنچ شمبے ءِ روچءَ مزن گسءِ ڈنءَ حال درءَ گوں گپء ُتران کنانءَ سینیٹر فیصل جاوید ءَ گشتگ کہ انوگیں حکومت پیسرگیں حکومتءِ نیمگءَ چہ زُرتگیں واماں گوں سوتءَ ہوار واتر کنگ ء َ اِنت۔ یک جستےءِ پسوءَ آئیءَ گشتگ کہ ایچ شک نیست کہ گران بہائی گیش بوتگ بلے گوستءِ حکومتءِ بار انوگیں حکومتءِ سرءَ اِنت۔ آئیءَ گشتگ کہ بجلی ء ُ گیسء ِ نیاداں گیشی ہم گوستءِ حکومتءِ سرءَ اِنت۔ سینیٹر فیصل جاوید ءَ گشتگ کہ ملک ءِ وام شش ہزار ارب ءَ چہ گیش بوتگء ُ 30ہزار ارب کلدارءَ سربوتگ ء ُ ایشاناں دئیگءِ ھاترءَ باز وہد ءِ پکار اِنت۔ آئیءَ گشتگ کہ پاکستان تحریک انصاف ءِ حکومت ءِ پالیسی جوڑ بوہگ بندات بوتگ ء ُ ایشانی نتیجگ آیوکیں دوسالاں دیما کایاں، آئیءَ گشتگ کہ مز ن وزیر عمران خانءِ درائیں پہ غریب اُلس ءِ ھاترءَ اَنت۔
