اسلام آباد۔9مئی (اے پی پی) احتساب آمید گس ءَ پیسرگیں صدر آصف علی زرداری ء ُ آئی ءِ گہارءِ فریال تالپور ءَ ہوار دگہ ملزم آنی حلاپ ءَ دروگیں بینک اکاؤنٹس کیسءِ کاروائی تاں 21مئی ءَ مھتل کتگ۔ پنچ شمبے ءِ روچءَ احتسا ب آمید ءِ جج محمد ا رشد ملک ءَ دروگیں اکاؤنٹس کیس ءِ کاروائی کتگ گڑا اے موہء َ پیسرگیں صدر آصف علی زرداری ء ُآئی گہارفریال تالپور آمید گسءَ پیش بوتگ اَنت۔ کیسءِ کاروائیءِ وہدءَ کیسءِ تفتیشی افسر آمید گسءَ پیش نہ بوتگ کہ اے ہوالگءَ نیب پراسیکیوٹر ءَ گشتگ کہ تفتیشی افسر علی احمد ابڑو ٹپیگ بوہگءِ سببءَ پیش نہ بوتگ۔ ریفرنسءِ نقل نہ دیئگءَ جج محمد ارشد ملک برانز گشتگء ُگشتگ اِت اگاں ریفرنس ءِ نقل دیئگ نہ بنت گڑا ٹرائل چے وڑءَ بیت۔ جج ءَ جست کتگ کہ ریفرنس ءِ کاپی کدی جوڑ بنت کہ ایشی ءِ سرءَ نیب پراسیکیوٹرءَ گشتگ کہ 28کاپی جوڑ بوتگ باقی جوڑ بوہگءَ 10روچ پکار اِنت۔ آمید گسءَ گشتگ کہ ریفرنس ءِ کاپی ملزم آں دیئگ بہ بنت۔ایشی ءَ پد کیسءِ کارائی تاں 21مئی ءَ مھتل کتگ۔
