ہنڈا کمپنی جنوریءَ وتی کارءَ بندات کنگ ءَ اِنت،دگہ کمپنی ہم پاکستان ءَ پیداک اَنت، مزن گسی کارانی بنجاہی وزیر اعظم خان سواتی ءِ ایوان بالا ءِ پسو

اسلام آباد۔ 9مئی (اے پی پی) مزن گسی کارانی بنجاہی وزیر اعظم خان سواتی ءِ ایوان بالا ءَ پسو داتگء ُگشتگ کہ ملکءَ نوکیں آٹو موبائل مینوفیکچرنگ کمپنی پیداک اَنت، جنوری ءَ ہنڈا کمپنی وتی کارءَ بندات کنگ ءَ اِنت۔ پنچ شمبے ءِ روچءَ ایوان بالا ءَ جستء ُ پُرسءِ وہدءَ سینیٹر طلحہ محمود ءِ جستءِ پسوءَ مزن گسی کارانی وزیر اعظم سواتی ءَ گشتگ کہ آٹو موبائل سیکٹردیمروئی کنگءَ اِنت، ملک ءَ نوکیں کمپنی اتکگ اَنت، دگہ کمپنی ہم پیداک اَنت۔ آئیءَ گشتگ کہ مزنیں گاڑیانی جوڑ بوہگءِ ھاترءَ ہم نوکیں مینوفیکچرنگ کمپنی پیداک اَنت، ہنڈا کمپنی جنوری ءَ وتی کارءَ بندات کنگءَ اِنتء ُ دگہ کمپنی ہم پیداک اَنت۔