اسلام آباد۔ 8 مئی (اے پی پی)مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ حکومت مزن وزیر عمران خان ءِ وژن ءِ ردا جان سلامتی ءِ پھجارگ ءِ ھاترا پُرجزم انت،حکومت ملک ءِ تہ اے رنگیں نظام جوڈ کنگ ءِ ھاترا پُرجزم انت کہ ایشی ءِ بنیات ءَ یونیورسل ہیلتھ کوریج ہمک مردم ءَ را بنیاتی آسراتی پھجارگ ءَ را سدکی جوڈ کنگ انت۔آہاں اے گپ چار شمبے ءَ پمز نادراھ جاء ءِ تہ انفیکشن ءِ نادرہیانی ھاتر جوڈ کتگیں نوکیں وارڈ ءِ بنداتی ءِ موہ ءَ کتگ ات۔آہاں گوشت کہ درستاں چہ پیسر ءَ پرائمری ہیلتھ کیئر سسٹم ءَ سوگو کنیں، پاکستان ءِ تہ پرائمری ہیلتھ کیئرسرا گوستگیں 70سالانی تہ ہمہ دلگوشی نہ داتگ کہ ایشی ءِ ضلورت ات۔آہاں گوشت کہ جان سلامتی ءِ تک ءَ آشوب آرگ مئے مشن انت۔ ڈاکٹر ظفر مرزا ءَ ایمرجنسی، کینسر وارڈءِ ھوار لہتیں وارڈز ءِ تروتاب کتگ ءُُ نادراھاں را داتگیں طبی کمک ءِ جائزگ ہم گپتگ۔ایشی ءَ چہ پیسر ءَ ایگزیکٹو ڈائریکٹر پمز ءَ نادراھ جاھ ءِ کارکردگی ءُُ دیم چیلنجانی باروا سرجمیں بریفنگ داتگ،بنجاہی سیکرٹری ہیلتھ کیپٹن (ر) زاہد سعید ھم بریفنگ ءِ تہ ساڑی اتنت۔
