اسلام آباد۔ 8 مئی (اے پی پی) صدر مملکت ڈاکٹر عارف علوی ءَ نادُراھی ءِ پٹ ءُُ پول ءُُ ایشی ءَ چہ بچگ ءِ واستہ نوکیں ٹیکنالوجی ھاسیں ءَ وت جوڑ کتگیں بلدکاری ءَ را کارمرد کنگ ءِ ضلورت ءِ سر ءَ پر دیان ءَ گوشت کہ وت اعضاء آنی عطیہ کنگ ڈکھ ایگیں بنی آدم آنی کمک کنگ انت۔ عطیہ ءُُ ٹرانسپلانٹیشن ءِ نیام ءَ کار رھبندی کار رپک ءَ را گہتر کنگ ءِ واستہ کانود جوڑ کنگ الم ءُُ ارزشت کرز انت، چم ءِ نادُراھی ءُُ اے نادُراھی ءِ پجار ءُُ پٹ ءُُ پول ءِ واستہ جان سلامتی شوبگ ءَ گامگیج سک باز ارزشتی انت۔ آئی ءَ گوشت کہ چم ءِ نادُراھی ءِ بابت ءَ پھریز علاج ءَ چہ گہتر انت ایشی ءَ ابید نادُراھی ءَ ھوار مالی جیڈھ آنی بار ھم سر ءَ کپ ایت۔ صدر ءَ ذیابیطس ءِ نادُراھی ءِ گر ءُُ دار ءِ ضلورت ءِ سر ءَ زور دات ایش چم آنی واستہ ھم ھراب انت۔ صدر ءَ الشفار آئی ٹرسٹ ہسپتال ءِ کار آناں جوانیں درشانداب ءَ گوں چلائینگ ءِ رد ءَ سیریں مردم آنی کرد ءَ را ساڑات ءُُ گوشت کہ ایشانی عطیہ بزگیں مردم آنی ازمت ءَ سک باز کمکار سہرا بنت، ھمک مردم ءَ را اے جوانیں کار ءِ تہ ءَ گیشاں چہ گیش بھر زورگ لوٹ ایت۔
