اسلام آباد۔ 8 مئی (اے پی پی) پاکستان اقوام متحدہ ءِ کمیشن برائے نارکوٹک ڈرگز ءِ دووارگ باسک گچین کنگ بوت۔ اے گپ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ تہ ءَ گوشگ بوت۔ پاکستان ءَ ایشیا پیسیفک گروپ ءَ درستاں چہ گیش ووٹ گپتگ ایشرا 54 ءَ چہ 48ووٹ رستگ۔ کمیشن ءِ باسکی چار سال ءِ بیت ءُُ ایش یک جنوری 2020ءَ چہ بندات بیت۔ اے رد ءَ نیویارک ءَ اقوام متحدہ اقتصادی ءُُ چاگردی کونسل ءَ برجم دارگ بوت۔ بیان ءِ تہ ءَ گوشگ بوت کہ پاکستان گوستگیں 40سال ءَ چہ کمیشن ءِ برجائی ءَ پد ایشی ءِ باسک انت۔ اے گچین کاری ءِ جوانیں ھمبراھ داری، پاکستان ءِ مستری ءُُ منشیات ءِ میاں اوستمانی جیڈھ ءِ بابت ءَ میاں اوستمانی پالیشی آنی پد ءُُ رند کنگ ءِ رد ءَ ایشی ءَ ارزشتی ایں کرد ءِ سر ءَ میاں اوستمانی برات آنی دل یکیمی ءِ درشان انت۔ بیان ءِ رد ءَ پاکستان ھمکچیں ءُُ ٹوھیں درور ءِ وسیلگ ءَ نارکوٹک ڈرگز ءِ ھوالگ ءَ چیلنج آں گوں گر ءُُ چیل بوھگ ءِ واستہ گپ ءُُ تران ءُُ کمک ءِ وکالت ءَ مُدام کنت انت۔
