اسلام آباد۔ 08 مئی (اے پی پی) خصوصی کمکار اطلاعات و نشریات فردوس عاشق اعوان پارینے کہ وزیراعظم عمران خان ءِ لاہور اٹی داتا دربار نا پیشن آ ہندن کہ حوال ملا، او حکومت پنجاب آن زوتی اونا سرجم آتے بٹنگا، اودانا مذمت ءِ کرے و است ہسونی نا درشانی ءِ کرے، حکومت پاکستان و وزیراعظم عمران خان نا دا بابت موقف ءِ کہ امن، ایلمی و یکجہتی نا کلہو مزار و گلی تا جاگہ غاتیان بریک، دا ڈول نا واقعہ غاک دا پلو آ اشارہ کیرہ کہ ننا راج اٹی انتہاپسندی و دہشت گردی نا سنسر نا ماسک دہشت گردی نا برخلاف آپریشن اٹی ساف کننگار و اوفتا بیخ ءِ پٹنگا ولے جاگہ نہ جاگہ اس داسکان اوفتیان سلوک ارے، و ننے دافتے چٹفوئی ءِ، دہشت گردی نا دا سلوک آتے ٹی تضاد شاغنگ و اوفتا سنسرآتے چٹفنگ وزیراعظم عمران خان اولیت ءِ۔ اوپارے کہ داوخت آ پاکستان نا دشمن ملک اٹی نزوری ودی کننگ نا سازش کننگ ءِ ولے پاکستانی قوم، دلیر فوج، رینجرز پولیس و ایلو کانود نافذ کروک آ ادارہ غاک دہشت گردی نا چٹفنگ کن پرعزم ءُ و اوفک دا بابت قر بانی تسنو۔ نجی ٹی وی تون ٹیل فون آ گپ و تران اٹی اسہ سوج اسے نا ورندی ٹی فردوس عاشق اعوان نا پاننگ ئس کہ ہندن کہ وزیراعظم عمران خان نا نوٹس اٹ دا ہیت بس او اونا مذمت ءِ کرے و است ہسونی نا درشانی ءِ کرے۔ اوپارے کہ واقعہ ٹی شہید مروک آ پنجاب پولیس نا کارندہ غاک ءُ و او قوم اکن تینے ندر کریر، او دھرتی نا مارک ءُ، اوتینا کڑز آتے تسر، ننے مچ آ پولیس نا رویہ ءِ نشانہ کروئی اف،، ننے ٹھپی و شہید آتا خاہوت آتون یکجہتی نا درشان، شہید آتے کن و ٹھپی تیکن دعاکروئی ءِ و ہراڑے کمی بیشی ءِ حکومت جاگہ اس ہم دا بابت ڈیوالائی ءِ سگپک، دا حالیت آتے وزیراعلیٰ پنجاب تینٹ مانیٹر کننگ ءِ کنا اوڑتون ہیت مسنے و ننا مچ آ فورس ہندا ترند رفتاری و چابق دستی اٹ پیشن بریک، وزیراعلیٰ نا دا بابت بنائی ردعمل تننگ المی اف۔
